Aadhar Card Ko PAN Card Se Link Kaise Karein? (Last Date aur Naya Tarika 2026)
Kya aapne apna Aadhar card aur PAN card link kar liya hai? Agar nahi, toh aapka PAN card radd ho sakta hai aur aap bank se jude zaroori kaam nahi kar payenge. Income Tax department ne ab ise link karna anivarya (mandatory) kar diya hai.
Aaj hum aapko batayenge ki kaise aap apne mobile se sirf 5 minute mein Aadhar-PAN Linking Status check kar sakte hain aur ise link kar sakte hain.
🔍 1. Link Hai Ya Nahi, Kaise Check Karein?
Link karne se pehle ye check karein ki kahin aapka kaam pehle se hi toh nahi ho rakha:
Income Tax ki e-filing website incometax.gov.in par jayein.
Home page par "Link Aadhaar Status" par click karein.
Apna PAN number aur Aadhar number dalo.
"View Link Aadhaar Status" par click karein. Agar likha aata hai "Your PAN is already linked", toh aapko kuch karne ki zaroorat nahi hai.
🛠️ 2. Link Kaise Karein? (Step-by-Step)
Agar link nahi hai, toh ye steps follow karein:
Step 1: e-Filing portal par "Link Aadhaar" option par click karein.
Step 2: Apna PAN aur Aadhar details bharo.
Step 3: Agar aap par penalty (fees) lagu hai, toh use 'e-Pay Tax' ke zariye jama karein.
Step 4: Payment hone ke baad, wapas "Link Aadhaar" par jayein aur OTP ke zariye request submit kar dein.
Step 5: 4-5 dinon mein aapka Aadhar aur PAN link ho jayega.
⚠️ Zaroori Suchna:
Aadhar aur PAN mein aapka Naam aur Date of Birth ekdum same hona chahiye. Agar dono mein farq hai, toh pehle use sudharein (Correction karein), uske baad hi link karein.
Comments
Post a Comment