PF Balance Kaise Check Karein? (Mobile Se 2 Minute Mein 2026 Ka Naya Tarika)
Agar aap ek salaried employee hain, toh aapki salary ka ek hissa har mahine EPF (Employees' Provident Fund) mein jama hota hai. Bahut se logon ko lagta hai ki PF balance check karne ke liye office ke chakkar lagane padenge, lekin ab ye kaam aap apne mobile se ghar baithe sirf 2 minute mein kar sakte hain.
Aaj hum aapko PF balance check karne ke 3 sabse aasan tarike batayenge.
1. Missed Call Ke Zariye (Sabse Aasan)
Iske liye aapko internet ki bhi zaroorat nahi hai. Bas apne registered mobile number se niche diye gaye number par ek missed call karein:
Number: 9966044425
Call apne aap kat jayegi aur kuch hi seconds mein aapke paas ek SMS aayega jisme aapka total PF balance likha hoga.
2. SMS Ke Zariye
Aap ek message bhej kar bhi apni details mangwa sakte hain:
Type karein: EPFOHO UAN HIN (HIN ka matlab Hindi mein jankari chahiye).
Ise 7738299899 par bhej dein.
Aapko turant balance ki poori details mil jayegi.
3. UMANG App Se (Passbook Dekhne Ke Liye)
Agar aap poori passbook dekhna chahte hain ki har mahine kitne paise jama huye:
Play Store se UMANG App download karein.
"EPFO" search karein aur "View Passbook" par click karein.
Apna UAN Number dalo aur OTP se verify karke apni passbook download kar lo.
💡 Zaroori Baat:
Balance check karne ke liye aapka UAN (Universal Account Number) active hona chahiye aur mobile number Aadhar se link hona zaroori hai.
Comments
Post a Comment